Rheoliadau drafft a osodwyd gerbron Cynulliad Cenedlaethol Cymru o dan adran 3A(7)(b) o Ddeddf Plant a Phobl Ifanc (Amddiffyn rhag Tybaco) 1991, i’w cymeradwyo drwy benderfyniad Cynulliad Cenedlaethol Cymru.

2011 Rhif (Cy. )

PLANT A PHOBL IFANC, CYMRU

Rheoliadau Amddiffyn rhag Tybaco (Gwerthiannau o Beiriannau Gwerthu) (Cymru) 2011

NODYN ESBONIADOL

(Nid yw’r nodyn hwn yn rhan o’r Rheoliadau)

Mae’r Rheoliadau hyn yn gwahardd gwerthu tybaco o beiriant awtomatig.

Mae rheoliad 2 yn gwahardd gwerthu tybaco o beiriant awtomatig. Gwneir y person sydd â rheolaeth ar y fangre y lleolir y peiriant awtomatig ynddi, neu sy’n rheoli’r fangre honno, yn atebol am doriad o’r gwaharddiad hwn. 

Hysbyswyd y Comisiwn Ewropeaidd am ddrafft o’r Rheoliadau hyn fel safon dechnegol yn unol â Chyfarwyddeb 98/34/EC Senedd Ewrop a’r Cyngor  (OJ Rhif L204, 21.7.1998, t.37) sy’n gosod gweithdrefn ar gyfer darparu gwybodaeth ym maes safonau a rheoliadau technegol, fel y’i diwygiwyd. 

Paratowyd asesiad effaith rheoleiddiol llawn o effaith yr offeryn hwn ar gostau busnes, a rhoddwyd ef yn llyfrgell Cynulliad Cenedlaethol Cymru. Gellir cael copïau ohono o’r Gangen Ymddygiadau Risg i Iechyd, Parc Cathays, Caerdydd, CF10 3NQ.    

 

2011 Rhif (Cy. )

PLANT A PHOBL IFANC, CYMRU

Rheoliadau Amddiffyn rhag Tybaco (Gwerthiannau o Beiriannau Gwerthu) (Cymru) 2011

Gwnaed                                                 ***

Yn dod i rym                        1 Chwefror 2012

Mae Gweinidogion Cymru yn gwneud y Rheoliadau canlynol drwy arfer y pwerau a roddwyd gan adran 3A o Ddeddf Plant a Phobl Ifanc (Amddiffyn rhag Tybaco) 1991([1]).

Mae drafft o’r Rheoliadau hyn wedi ei osod gerbron Cynulliad Cenedlaethol Cymru ac wedi ei gymeradwyo drwy benderfyniad ganddo yn unol ag adran 3A(7)(b) o’r Ddeddf honno.

Enwi, cychwyn a chymhwyso

1.—(1)(1) Enw’r Rheoliadau hyn yw Rheoliadau Amddiffyn rhag Tybaco (Gwerthiannau o Beiriannau Gwerthu) (Cymru) 2011 a deuant i rym ar 1 Chwefror 2012.

(2) Mae’r Rheoliadau hyn yn gymwys o ran Cymru.

Gwahardd gwerthu tybaco o beiriannau gwerthu

2.—(1)(1) Gwaherddir gwerthu tybaco o beiriant awtomatig.

(2) Bydd y person sydd â rheolaeth ar y fangre y lleolir y peiriant awtomatig ynddi, neu sy’n ymwneud â rheoli’r fangre honno, yn atebol am doriad o baragraff (1).

(3) Yn y rheoliad hwn, mae  “mangre” (“premises”) yn cynnwys unrhyw le ac unrhyw gerbyd, llong, hofrenfad, stondin neu adeiledd symudol.

 

 

 

 

Y Gweinidog Iechyd a Gwasanaethau Cymdeithasol, un o Weinidogion Cymru 

Dyddiad